Ongan l'escòla participa pel primièr còp al Consèlh Municipal dels enfants ( CME) de la vila de Tolosa. Es una instància que se debana fòra de l'escòla amb d'autres mainatges elegits dins lor escòla. Lo mandat es de doas annadas doncas i a pas que los CM1 que se pòdan presentar.  

Quatre mainatges se son presentats per èsser conselhièrs al consèlh municipal dels enfants de la vila de Tolosa e representar lor escòla : Peirine, Tician, Noah e Mano . Coma ne caliá pas que dos ( 1 dròlle e una dròlla), cadun menèt sa campanha a l'entorn d'un projècte e faguèrem d'eleccions dins l'escòla . Posquèron votar solament los maintages a partir del CE2. 

Lo projècte presentat permetèt de véser la motivacion e l'engatjament per poder elegir los conselhièrs mas es pas forçadament aquel projècte que se desveloparà al consèlh municipal de Tolosa.

Peirine presentèt lo projècte d'aver una cantina amb un sèlf dins l'escòla e de distribuir çò que demòra a d'associacions.

Tician voliá botar d'eolianas dins l'escòla per estalviar l'energia e la moneda.

Noah voliá ajudar los paures.

Mano voliá crear d'òrts collectius dins los espacis publics.

Aprèp 15 jorns d'una campanha plan menada per cadun ( afichatge de slogans, sondatges...)  la comuna nos liurèt lo material per las eleccions .

Peirine foguèt elegida sens suspresa per la tièra de las dròllas ( segur èra la sola dròlla !)

Mano foguèt elegit per la tièra dels dròlles.

Cada 15 jorns totes dos, aniràn a de reunions lo dimècres e nos faràn un rendut-compte en classa.

 ------------------------------------------------------------------------------

Emilie intervenguèt tanben dins la classa per nos parlar del consèlh municipal .

A la seguida de son intervencion, nos prepausèt un quizz: